ऑनलाईन टीम / रत्नागिरी :
रत्नागिरी जिल्ह्यातील म्हाप्रळ येथे शेनाळे घाटात आज पहाटे पाच वाजण्याच्या सुमारास मुंबई परळ-दापोली एसटी बस उलटली. या अपघातात चार प्रवासी किरकोळ जखमी झाले असून, बस ड्रायव्हरच्या हाताला दुखापत झाली आहे. मंडणगड आगार व्यवस्थापक फडतरे यांनी यासंदर्भात माहिती दिली.
अपघातग्रस्त बसमध्ये एकूण 30 प्रवासी होते. त्यामधील चार प्रवाशी किरकोळ जखमी झाले होते. तर एसटी बस ड्रायव्हरच्या हाताला दुखापत झाली आहे. दापोली उपजिल्हा रुग्णालयात उपचार करून त्यांना घरी सोडण्यात आले आहे.