माळमारुती पोलिसांची कारवाई, 11 मोटारसायकली जप्त
बेळगाव : मोटारसायकल चोरटय़ाला माळमारुती पोलिसांनी अटक करुन त्याच्याकडील 11 मोटारसायकली जप्त केल्या आहेत. पोलीस आयुक्त डॉ. के. त्यागराजन व मार्केटचे एसीपी सदाशिव कट्टीमनी यांच्या मार्गदर्शनाखाली ही कारवाई करण्यात आली. सुमारे 7 लाख रुपये किमतीची ही वाहने आहेत.
या मोटारसायकल चोरटय़ाने बेळगाव शहरासह जिल्हय़ामध्ये विविध ठिकाणी पार्किंग केलेली वाहने चोरली होती. पोलिसांनी सापळा रचून या अट्टल चोराला ताब्यात घेतले. त्यानंतर त्याची कसून चौकशी केली असता त्याच्याकडून 11 वाहने जप्त केली आहेत. माळमारुती पोलीस स्थानकाचे निरीक्षक सुनील पाटील यांच्या नेतृत्वाखालील पथकाने ही कारवाई केली.
या पथकामध्ये पोलीस उपनिरीक्षक होन्नप्पा तळवार, एएसआय ए. बी. कुंडेद, ए. जी. कुरेर, के. डी. नदाफ, जगन्नाथ भोसले, बसवराज कल्लप्पण्णावर, सी. आय. जेगरी, एस. एम. गडदैगोळ, एल. एम. मुशापुरे यांचा सहभाग होता. या कारवाईनंतर पोलिसांचे वरि÷ पोलीस अधिकाऱयांनी कौतुक केले.