प्रतिनिधी / दापोली
दापोली पंचायत समितीच्या सभापतीपदी राष्ट्रवादीच्या ज्येष्ठ पंचायत समिती सदस्य योगिता बांद्रे यांची बिनविरोध निवड झाली आहे.
आज झालेल्या ऑनलाइन निवड प्रक्रियेमध्ये योगिता बांद्रे यांचा एकमेव अर्ज दाखल झाला होता. यामुळे त्यांना बिनविरोध सभापती म्हणून घोषित करण्यात आले. या निवड प्रक्रियेमध्ये पीठासीन अधिकारी म्हणून उपविभागीय अधिकारी शरद पवार यांनी काम पाहिले. योगिता बांद्रे या राष्ट्रवादीच्या दापोली तालुक्यातील पहिल्या महिला सभापती ठरल्याने त्यांच्यावर अभिनंदनाचा वर्षाव होत आहे.