ऑनलाईन टीम / मॉस्को :
रशियात कोरोनाबाधितांची संख्या सात लाखांवर गेली आहे. मागील 24 तासात रशियात कोरोनाचे 6509 नवे रुग्ण आढळले आहेत. तर 176 जणांचा मृत्यू झाला आहे. रशियात आतापर्यंत 7 लाख 13 हजार 936 जणांना कोरोनाची बाधा झाली आहे. तर 11 हजार 017 जणांचा मृत्यू झाला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
7.13 लाख कोरोनाबाधितांपैकी 4 लाख 89 हजार 068 जण कोरोनामुक्त झाले असून, त्यांना डिस्चार्ज देण्यात आला आहे. 2 लाख 13 हजार 851 रुग्णांवर उपचार सुरू आहेत. त्यामधील 2300 जणांची प्रकृती चिंताजनक आहे.
कोरोना संक्रमणाच्या बाबतीत रशिया जगात चौथ्या स्थानावर आहे. रशियात आतापर्यंत 2 कोटी 23 लाख 88 हजार 195 नागरिकांची कोरोना चाचणी करण्यात आली आहे. मात्र, या आकडेवारीच्या विश्वासार्हतेविषयी शंका व्यक्त होत आहे.