क्रीडा प्रतिनिधी /बेळगाव
बेंगळूर येथील मल्लेश्वरम एम. एस. रामय्या राज्यस्तरीय अग्रमानांकित टेबल टेनिस स्पर्धेत विविध गटात बेळगावच्या संगम बैलूर अकादमीच्या सान्वी मांडेकर, आयुषी गोडसे, तनिष्का काळभैरव या तिघीनी विजेतेपद पटकाविले.
मल्लेश्वरम येथील टेबलटेनिस सभागृहात आयोजित एम. एस. रामय्या राज्यस्तरीय अग्रमानांकित टेबलटेनिस स्पर्धेत 15 वर्षाखालील गटातील अंतिम सामन्यात बेळगावची सान्वी मांडेकरने तिसऱया मानांकित निहारिका बेंगळूर हिचा 11-6, 10-12, 11-7, 11-6 अशा सरळ सेटमध्ये पराभव करून विजेतेपद पटकाविले.
13 वर्षाखालील मुलींच्या गटातील अंतिम सामन्यात बेळगावच्या आयुषी गोडसेने द्वितीय मानांकित समृती सुदर्शन हिचा 13-11, 11-8, 11-6 अशा सरळ सेटमध्ये पराभव करून विजेतेपद पटकाविले. 11 वर्षाखालील मुलींच्या गटातील अंतिम सामना बेळगावच्या तनिष्का काळभैरवने राशी व्ही. राव हिचा 11-4, 11-4, 7-11, 11-2 अशा सेटमध्ये पराभव करून विजेतेपद पटकाविले. वरील तिन्ही विजेत्या स्पर्धकांना संगम बैलूर यांचे बहुमोल मार्गदर्शन लाभत आहे.