नवी दिल्ली
23 ऑक्टोबरला संपलेल्या आठवडय़ात विदेशी चलन साठा 5.412 अब्ज डॉलर्सने वाढून 560.532 अब्ज डॉलर्सवर पोहोचला आहे. हा आकडा आजवरचा विक्रमी स्तरावरचा मानला जात आहे. 16 ऑक्टोबरला संपलेल्या आठवडय़ात 3.615 अब्ज डॉलर्सच्या भरीसह विदेशी चलन साठा 555.12 अब्ज डॉलर्सवर राहिला होता. दुसरीकडे रिझर्व्ह बँकेच्या माहितीनुसार भारताच्या सुवर्ण साठय़ातही 175 दशलक्ष डॉलर्सची भर पडली आहे. हा साठा 36.860 अब्ज डॉलर्सवर पोहोचला आहे.