वृत्तसंस्था/ ऑकलंड
येत्या उन्हाळी मोसमात पाकिस्तान, ऑस्ट्रेलिया, बांगलादेश आणि विंडीजचे संघ न्यूझीलंडचा दौरा करणार आहेत. या चारही देशांच्या क्रिकेट संघटनांनी या दौऱयाला अधिकृत होकार दिल्याची माहिती क्रिकेट न्यूझीलंडचे सीईओ डेव्हिड व्हाईट यांनी दिली.
येत्या फेब्रुवारी महिन्यात ऑस्ट्रेलियाचा महिला क्रिकेट संघ न्यूझीलंडचा दौरा करणार असून या दौऱयामध्ये पाच वनडे आणि तीन टी-20 सामने खेळविण्यासाठी प्रयत्न चालू आहेत. पाक, ऑस्ट्रेलिया, बांगलादेश आणि विंडीज क्रिकेट मंडळानी या आगामी दौऱयांना अधिकृत होकार दिल्याची माहिती व्हाईट यांनी दिली. न्यूझीलंडचा संघ विंडीज आणि पाक संघाबरोबर कसोटी आणि टी-20 मालिका खेळणार आहे. दरम्यान बांगलादेशचा संघ न्यूझीलंडबरोबर वनडे आणि टी-20 मालिका खेळेल. या मालिकेनंतर ऑस्ट्रेलियन संघ न्यूझीलंडविरूद्ध टी-20 मालिका खेळणार आहे. कोरोना समस्या न्यूझीलंडमध्ये आटोक्यात आली असून गेल्या 100 दिवसांच्या कालावधीत संपूर्ण देशात एकही कोरोना बाधित रूग्ण आढळलेला नाही.