बेळगाव
श्री शिवप्रतिष्ठान हिंदुस्थानचे बेळगुंदी येथील धारकरी बंधू जोतिबा (नाथा) अर्जुन आमरोळकर यांनी आपल्या विवाह सोहळ्य़ाच्या निमित्ताने 32 मण सुवर्णसिंहासन रायगडसाठी कर्तव्य निधी 3201 रुपये देऊन कर्तव्य पार पाडले. शिवप्रतिष्ठान बेळगावचे जिल्हाध्यक्ष किरण गावडे यांच्याकडे हा धनादेश सुपूर्द करण्यात आला.
यावेळी तालुका कार्यवाहक कल्लाप्पा पाटील, शहर कार्यवाहक विश्वनाथ पाटील, तालुका प्रमुख परशराम कोकितकर, अभिजीत अष्टेकर, परशराम पाटील, नरेश जाधव, बाबू हणमशेट, शंकर भातकांडे, सागर मुतगेकर, महेश मुलके, प्रमोद सांबरेकर, आशुतोष कांबळे उपस्थित होते.
कर्तव्यनिधीसाठी आवाहन
32 मण सुवर्णसिंहासन रायगड येथे होऊ घातलेल्या खडा पहारासाठी नावनोंदणी करावी. तसेच आपल्या विविध कार्यक्रम सोहळय़ात कर्तव्यनिधी देण्याचे कार्य करावे, असे आवाहन यावेळी करण्यात आले.