ओटवणे / प्रतिनिधी:
शिवशंभू प्रतिष्ठान महाराष्ट्र राज्य संघटनेच्या सिंधुदुर्ग जिल्हाध्यक्षपदी जय भोसले यांची नियुक्ती करण्यात आली आहे.संघटनेचे संस्थापक अध्यक्ष सत्यवान जाधव,महाउपाध्यक्ष नंदुभाऊ मुठल, सरचिटणीस समीर थोरवे यांनी ही निवड केली असून जय भोसले यांच्या नेतृत्वाखाली सिंधुदुर्ग जिल्ह्याची नूतन कार्यकारिणी निवडण्यात येणार आहे.तसेच संघटनेच्या राज्य कार्याध्यक्षपदी बाळा सावंत यांची, राज्य सहसचिव म्हणून मनीष मसुरकर यांची तर राज्य महिला आघाडी सचिवपदी मनीषा मसुरकर यांची निवड करण्यात आली आहे.
सिंधुदुर्ग जिल्ह्याची जिल्हाध्यक्ष पदाची जबाबदारी दिल्यानंतर जिल्हा व त्यानंतर तालुकानिहाय कार्यकारिणी निवडण्यात येणार आहे.
सिंधुदुर्ग जिल्ह्याच्या जिल्हाध्यक्षपदी निवड झाल्याबद्दल जय भोसले व इतर कार्यकारिणीचे सर्व स्तरातून अभिनंदन करण्यात येत आहे.