ऑनलाईन टीम / श्रीनगर :
दक्षिण काश्मीरच्या शोपियांमध्ये सुरक्षा दल आणि दहशतवाद्यांमध्ये आज चकमक झाली. या चकमकीत दोन दहशतवाद्यांचा खात्मा करण्यात सुरक्षा दलाला यश आले. सुरक्षा दलाने या भागाला वेढा दिला असून, शोधमोहिम सुरू आहे.
शोपियां जिह्यातील चीरबाग ड्रगन भागात काही दहशतवादी लपल्याची गुप्तचर यंत्रणेकडून सुरक्षा दलाला मिळाली होती. त्यानुसार शोधमोहिम हाती घेण्यात आली. सुरक्षा दलांकडून या भागाला वेढा घट्ट होताच दहशतवाद्यांनी सुरक्षा दलांवर गोळीबार सुरू केला. यावेळी झालेल्या चकमकीत दोन दहशतवाद्यांचा खात्मा करण्यात सुरक्षा दलांना यश आले. या भागात सध्या शोधमोहिम सुरू आहे.