प्रतिनिधी/ सातारा
सातारच्या राजघराण्यातील स्नुषा श्री.छ.सौ.चंद्रलेखाराजे यांच्या पार्थिवावर आज सकाळी शोकाकुल वातावरणात संगम माहुली येथील राजघाटावर अंत्यसंस्कार करण्यात आले.त्यांचे नातू कौस्तुभादित्यराजे यांच्या हस्ते भडाग्नी देण्यात आला.अंत्ययात्रा अदालतवाडा येथून काढण्यात आली.अंत्ययात्रा संगम माहुली येथे पोहचल्यावर विधिवत अंत्यसंस्कार करण्यात आले.
श्री.छ.सौ.चंद्रलेखाराजे यांच्या निधनाने संपुर्ण सातारा नगरी शोकसागरात बुडाली.सकाळी सजवलेल्या वाहनातून त्यांचे पार्थिव पालखीत बसवून अंत्ययात्रा संगम माहुली येथे पोहचली.संगम माहुली येथे पोहचल्यावर विधिवत अंत्यसंस्कार करण्यात आले.यावेळी खासदार उदयनराजे भोसले, आमदार शिवेंद्रसिंहराजे भोसले, त्यांचे पती शिवाजीराजे भोसले यांनी विधी केला.कौस्तुभादीत्यराजे यांनी भडाग्नी दिला.अंत्ययात्रेत उपनगराध्यक्ष किशोर शिंदे, नगरसेवक अमोल मोहिते, शंकर माळवदे यांच्यासह सातारा शहरातील नागरिक सहभागी झाले होते.