प्रतिनिधी/सांगली
खानापूर तालुक्यातील साळशिंगे येथे अहमदाबादवरून एक कुटुंब आले होते. यामधील पत्नीचा अहवाल पॉझिटिव्ह आला आहे तर पतीचा अहवाल निगेटिव्ह आला आहे. हे पती-पत्नी 6 दिवसांपूर्वी त्यांच्या मूळ गावी साळशिंगे येथे आले होते. त्यानंतर त्यांची तपासणी विटा ग्रामीण रुग्णालय येथे करण्यात आली.
दरम्यान या पती-पत्नीमध्ये कोरोना ची लक्षणे दिसू लागल्याने त्यांना मिरज सिव्हील हॉस्पिटलकडे पाठवण्यात आले. त्या मध्ये या महिलेचा अहवाल पॉझिटिव्ह आला आहे. तर सदर महिलेच्या पतीचा अहवाल निगेटिव्ह आला आहे. हे दोघेही आल्यानंतर त्यांना होम क्वारंटाईन केले होते. त्यामुळे त्यांचा इतरांशी संपर्क कमी आला आहे. तरीसुद्धा प्रशासनातर्फे अनुषंगिक उपाययोजना तात्काळ करण्यात येत आहेत.
तर, जिल्ह्यात एकूण कोरोना रुग्णांची संख्या आता 38 झाली आहे. सध्या उपचारात नऊ रुग्ण आहेत.