वार्ताहर/शिराळा/
शिराळा येथे आज दुपारच्या सुमारास एक धक्कादायक घटना घडली. दारू पिऊन घरी त्रास देत असल्याच्या कारणावरून जन्मदात्या बापानेच मुलाच्या डोक्यात दगड घालून खून केल्याची घटना घडली. गजानन भगवान डांगे (वय ३२) असे या मृत व्यक्तीचे नाव आहे. वडील भगवान जगन्नाथ डांगे (वय ६०) यांनी गजानन याच्या डोक्यात दगड घालून खून केला. ही घटना आज, मंगळवारी दुपारच्या सुमारास नायकुडपुरा, येथील डांगे गल्ली येथे घडली. याबाबत मयत गजाननची पत्नीने शिराळा पोलिसात फिर्याद दिली आहे.
पोलिसातून मिळालेली माहिती अशी की, गजानन हा गेले अनेक दिवस काही हि काम धंदा करत नव्हता. त्यास दारूचे व्यसन होते. तो नेहमी दारू पिऊन आई वडील व पत्नीस शिवीगाळ करून मारहाण करत असे. सोमवारी त्याने पत्नीस मारहाण करून शिंगटेवाडी येथे माहेरी पाठवले होते. आज मंगळवारी सकाळ पासून तो दारूच्या नशेत होता. दुपारी अडीच वाजण्याच्या सुमारास तो दारू पिऊन घरी जात आई वडिलांना शिवीगाळ केली. त्यावेळी रागाच्या भरात वडिलांनी याने शेजारीच असलेला दगड उचलून गजाननच्या डोक्यात घातला. यानंतर ते स्वतः पोलिसात जाऊन हजर झाले. खून करून पोलीस ठाण्यात येत असताना वाटेत त्याचा कायमचा काटा काढला असे बडबडत होता. शिराळा उपजिल्हा रुग्णालयात शवविच्छेदन करण्यात आले. गजानन याच्या पश्चात वडील, आई, पत्नी, दोन मुले असा परिवार आहे. पुढील तपास पोलिस उपनिरीक्षक सुप्रिया दुरंदे करत आहेत.
Previous Articleजतमध्ये विजेच्या धक्क्याने हॉटेल कामगाराचा मृत्यू
Next Article सोलापुरात आज 16 नवे कोरोनाबाधित रुग्ण, 5 जणांचा बळी
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.