सांगली / प्रतिनिधी
जिल्ह्याचे लक्ष लागून राहिलेल्या सांगली जिल्हा मध्यवर्ती सहकारी बँकेच्या निवडणुकीची मतमोजणी मंगळवारी 23 रोजी होणार आहे. मिरजमध्ये सकाळी आठ वाजल्यापासून मतमोजणीला प्रारंभ होईल. दुपारी साडेबारा ते एक वाजेपर्यंत चित्र स्पष्ट होण्याची शक्यता आहे. निवडणुकीत विकास महाआघाडीच्या तीन जागा यापूर्वीच बिनविरोध निवडून आल्या आहेत. उर्वरित 18 जागासाठी महाआघाडी विरुद्ध भाजप अशी जोरदार लढत झाली आहे. बँकेसाठी 85.31 टक्के मतदान झाले असून मतदारांनी कुणाला कौल दिला आहे हे उद्या स्पष्ट होणार आहे.