प्रतिनिधी / जत
जत तालूक्यातील कोंतेवबोबलाद येथे गावापासून दीड किलोमीटर अंतरावर दोन दुचाकीमध्ये झालेल्या अपघातात कोंतेवबोबलादचे तलाठी दिपक जगन्नाथ ठाकरे हे मयत झाले. ते 27 वर्षीय होते. तलाठी ठाकरे हे जत येथील मोरे कॉलनी येथे राहण्यास होते. आज ते सकाळी कोंतेवबोबलाद येथे सजेच्या ठिकाणी जात असताना ही दुर्घटना घडली.
ठाकरे यांचे मुळ गाव धुळे जिल्ह्यातील साखरे हे असून गेल्या1वर्षापासून जत तालूक्यातील कोंतेवबोबलाद येथे तलाठी म्हणून कार्यरत होते. आज सकाळी दोन दुचाकीच्या समोरासमोरील धडकेत त्यांचा मृत्यू झाला. अधिक तपास पोलीस करीत आहेत.