बोरगाव / वार्ताहर
वाळवा तालुक्यातील बहे व खरातवाडी येथे कृष्णा नदी पात्रात जवळपास १० फूट लांबीची मगर निदर्शनास आली असून नदी काठच्या परिसरात भीतीचे वातावरण निर्माण झाले आहे. कृष्णा नदी पात्रात मगरीचा वावर वाढला आहे.
अशी चर्चा परिसरातील गावात सुरू असतानाच आज अचानक कृष्णा नदी पात्रात बहे पुलाजवळ व खरातवाडी नदीपात्रात मगरीचे दर्शन झाले आहे. ही मगर जवळपास १० फूट लांबीची स्थानिक लोकांच्या निदर्शनास आली असून. सर्वत्र मोबाईलवर त्याचे व्हिडिओ पसरताना दिसत आहेत. बहे ग्रामपंचायतीच्यावतीने वनविभागाला पाचारण केले आहे. मगर पाहण्यासाठी परिसरातील लोकांची गर्दी मोठ्या प्रमाणात झाली असून नदीकाठच्या लोकांच्यामध्ये भीतीचे वातावरण निर्माण झाले आहे.