कृष्णा घाटावरील पाणी पातळी 65 फुटांवर
प्रतिनिधी / मिरज
पावसाने उसंती घेतली असली तरी धरणातून विसर्ग सुरूच असल्याने मिरज कृष्णा घाटावरील कृष्णा नदीची पातळी 65 फुटांवर पोहचली आहे. कृष्णाघाट परिसरासह ढवळी, अंकली, म्हैसाळ, कासबेदिग्रज आणि नांद्रे या गावासह बहुतांशी वाड्या-वस्त्यांना पुराच्या पाण्याने वेढा दिला असून, शेती आणि अनेक घरे पाण्यात बुडाली आहेत.
2019 च्या महापुरातही ढवळी गावाला सर्वाधिक फटका बसला होता. यंदाही गाव पाण्याखाली गेले आहे. दरम्यान, गावातील सर्वच ग्रामस्थांचे आणि पशुधनांचे सुरक्षित स्थळी स्थलांतर करण्यात आले आहे. एडीआरएफ आणि अग्निशमन दलाचे जवान बचाव कार्यात सक्रिय आहे.