कुपवाड / प्रतिनिधी
खासगी सावकारीचा गुन्हा दाखल न करण्यासाठी एका महिलेकडे तब्बल २ लाख रूपयाची मागणी केल्याचा प्रकार उघडकीस आला आहे. याप्रकरणी कुपवाड पोलिसांनी चार महिलांविरोधात गुन्हा दाखल केला आहे.
याबाबत लताबाई गणपतराव पाटील (रा. रामकृष्णनगर) यांनी पोलिसांत तक्रार दिली आहे. यामध्ये सविता महादेव गावडे, शोभा बाळू कसबे, रेखा हेमंत जाधव व लता बाबासाहेब पाटील (सर्व रा. रामकृष्णनगर, कुपवाड)अशी गुन्हा दाखल झालेल्या महिलांची नावे आहेत. फिर्यादी लता पाटील व त्याचा मुलगा, मुलगी यांना प्रत्यक्ष भेटून, फोनवरून संपर्क साधून खासगी सावकारीचा गुन्हा दाखल न करणेसाठी चार महिलांनी पैशाची मागणी केल्याचे समोर आले आहे.
फिर्यादी लताबाई यांची मुलगी नेहा शिंदे यांनी संशयित सविता गावडे व शोभा कसबे यांना १ लाख ५० हजार रुपये बिनव्याजी दिले होते. संशयित गावडे व कसबे यांनी नेहा शिंदे यांना १५ हजार रुपये देऊन बाकीचे पैसे बुडवून २८ एप्रिल ते १९ में या कालावधीत लताबाई पाटील यांचा मुलगा व मुलगी यांच्या घरी जाऊन संशयित चार महिलांनी खासगी सावकारीबाबत पोलिसांत तक्रार दाखल न करण्याची तसेच प्रकरण मध्यस्थीने मिटवण्यासाठी प्रत्यक्ष भेटून व फोनवरून २ लाख रुपयांची मागणी करून धमकी दिल्याचे समोर आले.
Previous Articleओबीसी आरक्षणाबाबत फडणवीस भुलभुलैया करत आहेत -छगन भुजबळ
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.