सातारा / प्रतिनिधी :
सातारा-लोणंद रस्त्यावरील शिदोरी ढाब्याजवळच्या दरोड्यातील दोन संशयितांच्या पोलिसांनी मुसक्या आवळल्या.
निखील प्रकाश वाघमळे (वय 22, रा.आंबवडे ता. काेरेगाव जि.सातारा), राेहीत निलेश आवाड (19 रा.चंचळी, ता.काेरेगाव जि.सातारा) अशी अटक करण्यात आलेल्या दोघांची नावे आहेत.
शिदोरी ढाब्याजवळ दि.24 रोजी रात्री 11.30 वाजता ज्ञानेश्वर रामदास आंबेकर(रा.घोटी जि. नाशिक)यांचा ट्रक अडवून त्यांना मारहाण करून सहा जणांनी त्यांच्या ट्रकमधील रोख 6 हजार रुपयांची रक्कम चोरून नेली होती. याप्रकरणी अनोळखी सहा जणांवर गुन्हा दाखल करण्यात आला होता.