नवी दिल्ली
अयोध्या, काशी यासारख्या धार्मिक स्थळांवरील रेल्वेस्थानकांचा विकास घडविण्यात आल्यावर आता गुजरातच्या सोमनाथ रेल्वेस्थानकाचा कायापालट करण्याची तयारी आहे. भारतीय रेल्वेने याकरता प्रक्रिया सुरू केली आहे. भाविकांना सोमनाथमध्ये पोहोचण्यास सुविधा व्हावी याकरता अनेक शहरांपासून रेल्वेगाडय़ा सुरू करण्याची योजना आहे. भारतीय रेल्वेने स्थानकाला विकसित करण्याचे डिझाइन तयार केले आहे. या स्थानकाला सोमनाथ मंदिराचा लुक देण्यात येणार आहे. देशाच्या 123 स्थानकांना पीपीपी मॉडेल अंतर्गत विकसित केले जात आहे. सोमनाथ स्थानकातून सध्या 10 रेल्वेगाडय़ांचे संचालन होते. हे स्थानक पश्चिम रेल्वे झोन अंतर्गत भावनगर विभागात येते.