वृत्तसंस्था/ मार्बेला
रविवारी येथे झालेल्या एटीपी टूरवरील ऍनडेलुसिया खुल्या पुरूषांच्या आंतरराष्ट्रीय टेनिस स्पर्धेत स्पेनच्या टॉप सीडेड पाब्लो कॅरेनो बुस्टाने एकेरीचे अजिंक्यपद पटकाविले. बुस्टाच्या वैयक्तिक टेनिस कारकीर्दीतील एटीपी टूरवरील हे पाचवे विजेतेपद आहे.
स्पेनमध्ये झालेल्या या स्पर्धेतील अंतिम सामन्यात टॉप सीडेड बुस्टाने स्पेनच्या मुनेरचा 6-1, 2-6, 6-4 असा पराभव केला. मायदेशातील स्पर्धेतील बुस्टाचे हे पहिले विजेतेपद आहे. अलिकडे बुस्टाला स्वीडनचा माजी टेनिसपटू बियॉर्न बोर्गचे मार्गदर्शन लाभत आहे. बुस्टाच्या जेतेपदाच्या कामगिरीचे बोर्गने कौतुक केले आहे.