वृत्तसंस्था/ पंचकुला
2021 च्या ‘खेलो इंडिया’ क्रीडा स्पर्धेचे यजमानपद हरियाणाने पटकाविले आहे. खेलो इंडिया स्पर्धेच्या इतिहासामध्ये पहिल्यांदाच टॉर्च रिले (क्रीडा ज्योत दौड) आयोजित केली असून हरियाणा शासनाने राज्यातील क्रीडा क्षेत्राला प्रोत्साहन मिळावे तसेच खेलो इंडिया स्पर्धेच्या जागृतीसाठी हा कार्यक्रम आयोजित केला आहे.
पंचकुलापासून या स्पर्धेच्या टॉर्च रिलेला प्रारंभ झाला असून ही क्रीडाज्योत विविध ठिकाणचा प्रवास करत देवीलाल स्टेडियममध्ये होणाऱया या स्पर्धेच्या भव्य उद्घाटन समारंभावेळी दाखल होईल. हरियाणातील विविध क्रीडा क्षेत्रातील क्रीडापटू तसेच प्रमुख पाहुणे या टॉर्च रिलेमध्ये आपला सहभाग दर्शवित आहेत.