किणये : हुंचेनहट्टी येथील कै. गुंडू नारायण मोहिते यांच्या स्मरणार्थ आयोजित करण्यात आलेल्या मोहिते चषक क्रिकेट स्पर्धेमध्ये खादरवाडीच्या शिवसेना संघाने अंतिम सामना जिंकला आहे. एस. पी. राजहंस अनगोळ व खादरवाडी शिवसेना संघामध्ये अंतिम सामना रंगला होता. यामध्ये खादरवाडीचा संघ विजेता ठरला आहे.
सामनावीर आणि मालिकावीराचा मानकरी खादरवाडीचा खेळाडू राकेश हा ठरला आहे.
विजेत्या व उपविजेत्या संघांना मान्यवरांच्या हस्ते बक्षिसांचे वितरण करण्यात आले. यावेळी सुनील गुंडू मोहिते, गजानन नाईक, रुपेश कुंदगोळकर, वसंत तांबूळगुंडे, यल्लाप्पा नाईक, प्रल्हाद गोसावी, गंगाराम तारिहाळकर, विनोद शानभाग, आदींसह सिद्धी विनायक स्पोर्ट्स क्लब व गावातील पंचमंडळी उपस्थित होती.