ऑनलाईन टीम / हैदराबाद :
हैदराबाद मधून आंतर राष्ट्रीय विमानतळावरील 11 प्रवाशांकडून तस्करी करुन आणलेले जवळपास 3.11 किलो ग्रॅम सोने जप्त करण्यात आले आहे. या सोन्याची किंमत 1.66 कोटी इतकी आहे.
मिळालेल्या माहितीनुसार, हे प्रवासी वंदे भारत मिशनच्या विमानातून सौदी अरेबियामधील दम्मान येथून आले होते. अधिकाऱ्यांनी सांगितले की, प्रवाशांनी आपल्या ट्राउजरच्या खिशात सोने लपवून ठेवले होते. संशय आणि प्रवाशांच्या प्रोफाईलच्या आधारे 11 प्रवाशांच्या विरुद्ध सोन्याची तस्करी केल्याचा गुन्हा दखल केला आहे. या प्रवाशांची चौकशी सुरू आहे.
अशाच आणखी एका घटनेत सीमाशुल्क विभागाने सीआयएसएफबरोबर समन्वय करत 5 अशा प्रवाशांचा शोध घेतला, जे चंदनाची तस्करी करण्याचा विचार करत होते. त्यांच्याकडून 78.5 किलो ग्राम चंदनाची लाकड जप्त केली. हे पाचही प्रवासी हैदराबाद ते खर्तूम असा प्रवास करणार होते. सीमाशुल्क विभागाकडून पुढील तपास सुरू आहे.