बेळगाव : कोलर येथे राज्यस्तरीय मास्टर्स अॅथेलेटिक्स स्पर्धेत बेळगावच्या वयस्कर अॅथलेटिक्सपटूंनी 13 सुवर्ण, 3 रौप्य, 1 कांस्यपदकासह 17 पदकांची कमाई केली. कोलार येथील पोलीस परेड मैदानावर घेण्यात आलेल्या मास्टर्स राज्यस्तरीय अॅथलेटिक्स स्पर्धेत बेळगावच्या धोंडीराम शिंदे (हिंडलगा) यांनी 75 वर्षावरील गटात 100 मी. धावणे स्पर्धेत प्रथम क्रमांक, 200 मी. धावणे प्रथम, 400 मी. प्रथम व 4×100 मी. रिलेमध्ये प्रथम क्रमांकासह 4 सुवर्णपदके पटकाविली. बाळकृष्ण बेळगुंदकर (हिंडलगा) यांनी 65 वर्षावरील गटात हातोडा फेकमध्ये प्रथम, थाळी फेकमध्ये द्वितीय, भाला फेकमध्ये द्वितीय क्रमांक यासह 1 सुवर्ण व 1 रौप्यपदके पटकाविले. वसंत जाधव भांदूर गल्ली यांनी 85 वरील गटात हाथोडा फेक, गोळा फेकमध्ये 2 सुवर्ण, भाला फेकमध्ये द्वितीय क्रमांकासह 1 रौप्यपदक पटकाविले. सुरेश देवरमनी (उचगाव) यानी 70 किलोवरील गटात 5 किमी चालणे, 5 किमी धावणे, 1500 मी. धावणे व 4×100 मी. रिले स्पर्धेत एकूण 4 सुवर्णपदके पटकाविली. मारूती कणबरकर (सुळगे) यांनी 75 वर्षावरील गटात भाला फेकमध्ये सुवर्ण, गोळा फेकमध्ये कांस्य, 4×100 रिलेमध्ये सुवर्ण पदके पटकाविली. बेंगळूर येथील कंटीवीरा स्टेडियमवरती 27 ते 30 मार्च दरम्यान होणाऱ्या राष्ट्रीय स्पर्धेसाठी या खेळांडूची निवड झाली आहे. वरील सर्व खेळाडू ग्रामीण भागातील आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
