बेळगाव / प्रतिनिधी :
कोरोनाच्या धास्तीमुळे हिंडलगा कारागृहात असलेल्या 57 कैद्यांची जामिनावर मुक्तता करण्यात आली आहे. काही प्रकरणांमध्ये कारागृहात दाखल झालेल्या या कैद्यांची चौकशी व्हावयाची असल्यामुळे त्यांना जामिनावर सोडून नंतर पुढील चौकशी सत्र सुरू ठेवण्यात येणार आहे. सध्या सर्वत्र कोरोनाच्या धास्तीमुळे प्रशासनाकडून अनेक निर्णय तातडीने घेण्यात येत आहेत. बेळगाव जिल्हा सत्र न्यायालयाकडून चौकशी व्हावयाच्या 57 कैद्यांना तुर्तास जामिनावर मुक्त करण्यात आले आहे. न्यायालयाने या संदर्भातील आदेशपत्र दिल्यानुसार हे पाऊल उचलण्यात आले आहे, अशी माहिती हिंडलगा कारागृहाचे मुख्याधिक्षक कृष्णकुमार यांनी दिली आहे.