सर्वाधिक साकोर्डात तर सर्वात कमी कुळे पंचायतीमध्ये
प्रतिनिधी /धारबांदोडा
धारबांदोडा तालुक्यातील पाच ग्रामपंचायतीसाठी झालेल्या निवडणूकीत 85.88 टक्के मतदान झाले. सर्वाधिक 88.78 टक्के साकोर्डा पंचायतीमध्ये तर सर्वात कमी 83.58 टक्के मतदान कुळे पंचायतीमध्ये झाले. तालुक्यीतल 41 प्रभागामध्ये ही निवडणूक घेण्यात आली. एकूण 124 उमेदवार रिंगणात होते. मतमोजणी शुक्रवार 12 रोजी धारबांदोडा येथील सरकारी संकुलात होणार आहे.
कुळे पंचायतीच्या प्रभाग 3 मध्ये सर्वाधिक 92.51 टक्के तर त्याच पंचायतीच्या प्रभाग 9 मध्ये सर्वात कमी 74.33 टक्के मतदान झाले आहे. कुळे पंचायतीमध्ये 83.58 टक्के, धारबांदोडा पंचायतीमध्ये 83.33 टक्के, दाभाळ-किर्लपाल पंचायतीमध्ये 87.05 टक्के, मोले पंचायतीमध्ये 87.66 टक्के तर साकोर्डा पंचायतीमध्ये 88.78 टक्के मतदान झाले. एकंदरीत मतदान प्रक्रिया शांतते पार पडली. पावसामुळेही मतदानात फारसा व्यत्यय आला नाही.