गोकुळ शिरगाव वार्ताहर
गोकुळ शिरगाव येथे फर्निचरचा व्यवसाय करणारे प्रदीप राजाराम सासणे (वय 36) रा. तामगाव तालुका करवीर यांनी गुरुवार दि.1 रोजी सकाळी राहत्या घराशेजारी दोरीने गळफास लावून घेऊन आत्महत्या केली. या घटनेची नोंद गोकुळ शिरगाव पोलीस ठाण्यात झाली आहे.
गळफास लावल्याची घटना उघडकिस येताच त्याला उपचारासाठी कोल्हापूर येथील सीपीआरमध्ये दाखल केले होते. पण यावेळी डॉक्टरांनी त्यांना मयत घोषित केले. प्रदीप सासणे यांचा तिघांच्या भागीदारीमध्ये गोकुळ शिरगाव येथे फर्निचरचा कारखाना आहे. गेल्या दोन महिन्यापूर्वी यांची भागीदारी संपुष्टात आली होती. आत्महत्येचे नेमके कारण समजू शकले नाही. या घटनेची नोंद डॉक्टर नवज्योत वैद्यकीय अधिकारी सिपीआर यांनी दिली आहे .या घटनेचा तपास सहायक फौजदार खोत व पोलीस नाईक कांबळे करीत आहेत.