खानापूर : बेळगाव-गोवा रस्त्यावर कुसमळीनजीक बेळगावहून गोव्याला जाताना दुचाकीवरील नियंत्रण सुटल्याने रस्त्याच्या बाजूला असलेल्या सूचना फलकावर दुचाकी धडकल्याने एकजण जागीच ठार झाल्याची घटना रविवारी दुपारी घडली. याबाबतची माहिती अशी की, गोवा म्हापसा येथील रहिवासी मदन महाबळेश्वर रायकर (वय 32) हे आपल्या काही कामानिमित्त बेळगावला आले होते. रविवारी दुपारी ते गोव्याला आपल्या घरी केटीएम जी ए 03 एजी 8376 या दुचकीवरून गोव्याकडे आपल्या घरी जाताना कुसमळीजवळ दुचाकीवरील नियंत्रण सुटल्याने रस्त्याच्या बाजूला असलेल्या सूचना फलकावर जोरदार धडक दिल्याने त्यांचा जागीच मृत्यू झाला या घटनेची नोंद खानापूर पोलीस स्थानकात झाली असून खानापूर पोलिसांनी घटनास्थळी भेट देऊन पंचनामा करून मृतदेह उत्तरीय तपासणीसाठी खानापूर सरकारी दवाखान्यात हलविण्यात आला आहे. उतरीय तपासणी करून मृतदेह नातेवाईकांच्या ताब्यात देण्यात आला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
