शिवाजी विद्यापीठाच्या अधिसभेत अखिल भारतीय विद्यार्थी परिषदेच्या विद्यार्थ्यांनी घुसून गोंधळ घातला. विद्यार्थ्यांच्या या कृतीने अधिसभा सदस्यांनी सभागृह सोडून सभेचा त्याग केला. या घटनेमुळे शिवाजी विद्यापिठ प्रशासनामध्ये खळबळ माजली असून विद्यापीठाकडून अजून यावर कोणतीही प्रितिक्रिया आलेली नाही.
पहा VIDEO >>>>> विद्यापीठाच्या अधिसभेत अभाविपचा गोंधळ
शिवाजी विद्यापीठामध्ये आज अधिसभेचे आयोजन होते. सभा चालु असतानाच अखिल भारतीय विद्यार्थी परिषदेच्या विद्यार्थ्यांनी सभागृहात घुसून एकच गोंधळ घातला. सभागृहात कुलगुरुंच्या विरोधात घोषणा देण्यात येऊन विद्यापीठ प्रशासनाचा निषेध विद्यार्थ्याकडून करण्यात आला.
या गोंधळात अभाविपचे विद्यार्थी कोणाचेही ऐकत नसल्याने काही अधिसभा सदस्यांनी सभागृह सोडून सभात्याग केला. कुलगुरू किंवा इतर सदस्यांचे न ऐकता कुलगुरू आणि विद्यापीठ प्रशासनाचा धिक्कार असो अशा घोषणा देऊन एकच गोंधळ निर्माण झाल्याने वातावरण तणावपुर्ण बनले होते.