लोकमान्य सोसायटीतर्फे अमित पाटील यांचा सत्कार

बेळगाव : बेळगाव जिल्हा फुटबॉल संघटनेचे सचिव अमित पाटील यांची नुकत्याच कर्नाटक राज्य फुटबॉल संघटनेच्या उपाध्यक्षपदी निवड झाल्याबद्दल लोकमान्य सोसायटीतर्फे खास सत्कार करण्यात आला. लोकमान्य सोसायटीतर्फे दरवर्षी निमंत्रितांची फुटबॉल स्पर्धा, येळ्ळूर-महाराष्ट्र मैदान कुस्ती स्पर्धा त्याचप्रमाणे इतर क्रीडा स्पर्धांना प्रोत्साहन दिले जात आहे. गेली 15 ते 20 वर्षे बेळगाव जिल्हा फुटबॉल संघटना आयोजित लोकमान्य चषक वरिष्ठ साखळी फुटबॉल स्पर्धा भरविली जात आहे. त्याचप्रमाणे गेली 7-8 वर्षे येळ्ळूरमध्ये भरविल्या जाणाऱ्या आंतरराष्ट्रीय दर्जाचे महाराष्ट्र मैदान भरविले जात आहे. त्याला लोकमान्य सोसायटी पुरस्कृत केली जाते. अशाच प्रकारे बेंगळूर येथे कर्नाटक राज्य फुटबॉल संघटनेच्या सर्वसाधरण सभेत प्रथमच बेळगावच्या सभासदांना कर्नाटक राज्य फुटबॉल संघटनेच्या अमित पाटील यांची उपाध्यक्षपदी निवड करण्यात आली. त्याबद्दल लोकमान्य सोसायटीच्या सभागृहात लोकमान्यचे सीईओ अभिजित दिक्षित, लोकमान्यचे डायरेक्टर व बेळगाव जिल्हा फुटबॉल संघटनेचे अध्यक्ष पंढरी परब, माजी अध्यक्ष राम हदगल व लोकमान्यचे विनायक जाधव यांच्या उपस्थितीत अमित पाटील यांचा पुष्पगुच्छ देऊन सत्कार करण्यात आला. यावेळी अमित पाटील यांनी पुढील मोसमात होणाऱ्या फुटबॉल स्पर्धेसाठी आपण कर्नाटक राज्यातून स्पर्धा भरविण्यासाठी प्रयत्न करणार असून बेळगावात निमंत्रितांच्या व साखळी स्पर्धा लवकरच आयोजित करणार असल्याचे सांगितले.