फोंडा : हिंदू देवतांबद्दल आक्षेपार्ह पोस्ट टाकून धार्मिक भावना दुखावल्याप्रकरणी नाझिम अस्लम याच्या विरोधात हिंदवी स्वराज्य संघटनेसह विविध हिंदु संघटनांच्या कार्यकर्त्यानी फोंडा पोलिसस्थानकावर काल सोमवारी धडक देत त्याला अटक करण्याची मागणी केली. याप्रकरणी फोंडा पोलिसांनी सोशल मीडियाचा अकाऊंटधारक नाझिम अस्लम याच्यावर गुन्हा दाखल करून तपास जारी ठेवला आहे. हिंदवी स्वराज्य संघटना, विश्व हिंदु परिषद, बजरंग दल, विश्व हिदू वाहिनी व अन्य हिंदु संघटनांनी सदर मीडियाच्या अकाऊंटधारकावर कारवाई करण्याच्या मागणीस आपला पाठिंबा दर्शविला आहे. फोंडा पोलिसस्थानकात रितसर तक्रार दाखल करण्यात आली आहे. फोंडा भाजपा मंडळाच्या पदाधिकाऱ्यांनी फोंडा पोलिसस्थानकात धाव घेऊन सदर घटनेचा निषेध केला आहे. संशयिताला तातडीने अटक करावी, असे आवाहन निरीक्षक तुषार लोटलीकर यांना केले आहे. फोंडा पोलिसांनी संशयिताविरोधात धार्मिक भावना दुखावणारा आक्षेपार्ह पोस्ट केल्याप्रकरणी भा.दं.सं. 295 ए, 505 (2) कलमाअंतर्गत फेसबुक प्रोफाईलधारक नाझिम अस्लम याच्याविरूद्ध गुन्हा नेंदविला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
