ऑनलाईन टीम/ तरुण भारत
महाविकास आघाडीला काॅंग्रेसचं समर्थन कायम आहे. सध्या राज्य़ात सुरु असलेल्य़ा घडामोडी संदर्भात बैठक सुरु आहे. भाजपला रोखण्यासाठी आम्ही आजही मविआसोबत आहोत. तिन्ही पक्ष एकत्र बसून निर्णय घेतील. अजून कोणताही निर्णय झाला नाही अशी प्रतिक्रिया काॅंग्रेस नेते अशोक चव्हाण (Ashok Chavan) यांनी माध्यमांशी दिली.
यावेळी बोलताना ते म्हणाले, अजूनही बैठक सुरु आहे. राजकीय सध्यास्थितीवर विचार-मंथन सुरु आहे. पक्षाचे प्रभारी एस. के.पाटील, नाना पटोले, बाळासाहेब थोरात, सुनिल केदार अशा नेत्यांसोबत बैठक सुरु आहे. २०१९ मध्ये मविआमध्ये काॅंग्रेस सहभागी झाली. तेव्हापासून आजतागायत आणि इथूनपुढे ही मविआला समर्थन राहील असे त्यांनी स्पष्ट केले.सरकार अल्पमतात आहे की नाही याचा निर्णय हाॅटेलमध्ये राहून होणार नाही असेही ते म्हणाले.