बेळगाव : जेएमएफसी न्यायालयाच्या आवारामध्ये असलेल्या विद्युतखांबावर बसविण्यात आलेला फ्युज व वीजतारांचा बॉक्स हा पूर्णपणे खराब झाला आहे. संपूर्ण वायरी बाहेर पडल्या आहेत. त्याचबरोबर तो बॉक्सही खुला आहे. त्याला कोणाचाही स्पर्श झाला तर मोठी दुर्घटना घडू शकते. तेंव्हा तातडीने त्या बॉक्सची दुरुस्ती करावी, अशी मागणी वकील व पक्षकारांतून होत आहे. जेएमएफसी न्यायालयाचा आवार नेहमीच गजबजलेला असतो. प्रत्येकाला घाईगडबड असते. त्यामुळे या बॉक्समध्ये असलेल्या विद्युततारांचा स्पर्श होवू शकतो. त्या बॉक्सजवळच अनेकजण दुचाकी तसेच चारचाकी वाहने पार्किंग देखील करत आहेत. त्यामुळे कधी दुर्घटना घडेल, याची शाश्वती नाही. तेंव्हा बार असोसिएशन तसेच न्यायालय प्रशासनानेही याची गंभीर दखल घेवून तातडीने हेस्कॉमच्या अधिकाऱ्यांना सांगून त्याची दुरुस्ती करावी, अशी मागणी करण्यात येत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
