बेळगाव : सार्वजनिक शिक्षण खाते, रजपूत बंधू हायस्कूल व जी. जी. चिटणीस स्कूल आयोजित टिळकवाडी प्राथमिक व माध्यमिक विभाग मुलींच्या फुटबॉल स्पर्धेत संत मीरा शाळेने डीपी स्कुल व एम. व्ही. हेरवाडकरचा पराभव करून विजेतेपदासह दुहेरी मुकुट संपादन केला. टिळकवाडी येथील सुभाषचंद्र बोस लेले मैदानावर प्राथमिक मुलींच्या गटातील अंतिम लढतीत संत मीरा शाळेने एम. व्ही. हेरवाडकर शाळेचा 3-0 असा पराभव केला. विजयी संघाच्या दीपिकाने 2 गोल तर मोनिकाने 1 गोल केला. माध्यमिक मुलींच्या गटातील अंतिम लढतीत संतमीरा शाळेने डी पी शाळेचा 2-0 असा पराभव केला. विजयी संघाच्या कर्णधार रेनिवार मालशोय व खोबरोज यांनी प्रत्येकी 1 गोल केला, स्पर्धेच्या बक्षीस समारंभाला प्रमुख पाहुणे डी पी शाळेच्या क्रीडा शिक्षिका सिल्विया डिलिमा.ज्येष्ठ फुटबॉल प्रशिक्षक गोपाळ खांडे, सोमशेखर हुद्दार, जयसिंग धनाजी, पी. एस. कुरबेट यांच्याहस्ते विजेत्या उपविजेत्या संघांना चषक व प्रमाणपत्र देऊन गौरविण्यात आले. याप्रसंगी क्रीडाशिक्षक संतोष दळवी, मयुरी पिंगट, आदी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
