बेळगाव : टिळकवाडी येथील डी. पी. शाळेच्या मैदानावर राजपूत बंधू व जी. जी. चिटणीस शाळा आयोजित सार्वजनिक शिक्षण खात्याच्या टिळकवाडी माध्यमिक विभाग व प्राथमिक क्लस्टरच्या बास्केटबॉल स्पर्धेत संत मीरा, डी. पी. एम. व्ही. हेरवाडकर, शाळेने विजेतेपद पटकाविले. प्राथमिक गटातील मुलांच्या अंतिम लढतीत संत मीरा शाळेने जी. जी. चिटणीस शाळेचा 2-0, तर मुलींच्या गटातील अंतिम लढतीत डी. पी. शाळेने संत मीरा शाळेचा 12-0 असा पराभव करीत विजेतेपद पटकाविले. माध्यमिक गटातील मुलांच्या अंतिम लढतीत एम. व्ही. हेरवाडकर शाळेने संत मीरा शाळेचा 8-4 असा पराभव केला, मुलींच्या गटातील अंतिम लढतीत डी. पी. शाळेने ओरिएंटल शाळेचा 14-0 असा पराभव करीत विजेतेपद पटकाविले. स्पर्धेच्या बक्षिस समारंभाला प्रमुख पाहुणे म्हणून डी. पी. शाळेच्या उपमुख्याध्यापिका सिस्टर एल्मा, सिल्विया डिलीमा, जयसिंग धनाजी, पी. एस. कुरबेट, चंद्रकांत पाटील, सोमशेखर हुद्दार, मयुरी पिंगट, यांच्या हस्ते विजेत्या उपविजेत्या संघांना चषक प्रमाणपत्र देऊन गौरविण्यात आले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
