सिव्हिल हॉस्पिटल रोडवरील अतिक्रमण हटविले

बेळगाव : डॉ. बाबासाहेब आंबेडकर उद्यान मार्गावरील सिव्हिल हॉस्पिटलसमोरील तसेच या रस्त्यावर असणारे अतिक्रमण पुन्हा एकदा महापालिकेने हटविले आहे. या रस्त्यावर यापूर्वीही अतिक्रमण हटाव मोहीम राबविली होती. त्यानंतर पुन्हा काही जणांनी या ठिकाणी बेकायदेशीररित्या व्यावसाय थाटले होते. त्यामुळे त्यांना तेथून हटविण्यात आले आहे. शुक्रवारी ही कारवाई करण्यात आली. महानगरपालिकेने ही सर्व खोकी हटविल्यामुळे पदपथ खुले झाले आहे. यापूर्वी या रस्त्यावरील पदपथावर मोठ्या प्रमाणात व्यावसाय थाटले होते. त्यामुळे ये-जा करणे अडचणीचे ठरत होते. यामुळे लहान, मोठे अपघातही घडले होते. त्यामुळे येथील खोकी हटविली आहेत.