फिटनेस आणि वेलनेस क्षेत्रातील ४० व्यक्तींना राज्यपालांच्या हस्ते ‘ग्लोबल वेलनेस डे’ पुरस्कार प्रदान करण्यात आले. निरोगी जीवनासाठी योग, ध्यानधारणा, शांती, संगीत आणि संतुष्टी आवश्यक आहे. असे मत राज्यपालांनी यावेळी व्यक्त केले. या कार्यक्रमाला ‘वेलनेस’ राजदूत रेखा चौधरी, चित्रपट निर्मात्या स्मिता ठाकरे आणि अभिनेते विद्युत जामवाल उपस्थित होते.
पुढे राज्यपाल कोश्यारी म्हणाले, वेलनेस अर्थात निरामय जीवन हा आज जागतिक उद्योग बनला आहे. या क्षेत्रात भारत पूर्वीपासून सामर्थ्यवान असून देशाने या क्षेत्रात जगाला नेतृत्व प्रदान करावं, असं आवाहन त्यांनी केले.