बेळगाव : केएलएस-आयएमईआर महाविद्यालय आयोजित आयएमईआर चषक आंतरमहाविद्यालयीन फुटबॉल स्पर्धेत अंतिम फेरीत गोगटे वाणिज्य महाविद्यालय अ संघाने विजेतेपद तर गोगटे ब संघाने उपविजेतेपद पटकाविले. या संघांचा महाविद्यालयातर्फे गौरव करण्यात आला. जीआयटी महाविद्यालयाच्या मैदानावर आयोजित या फुटबॉल स्पर्धेत उपांत्य फेरीत गोगटे अ संघाने जैन तांत्रिक महाविद्यालयाचा 2-0 तर गोगटे ब संघाने जीआयटी संघाचा 1-0 असा पराभव करुन अंतिम फेरीत धडक मारली. अंतिम फेरीत गोगटे अ ने गोगटे ब चा 1-0 असा निसटता पराभव करुन स्पर्धेचे विजेतेपद पटकाविले. या कामगिरीची दखल घेऊन गोगटे वाणिज्य महाविद्यालयाचे चेअरमन ए. के. तगारे, प्राचार्य एच. एच. वीरापूर, डॉ. डी. बी. खामकर, क्रीडा निर्देशक मंजुनाथ गौडा व नमिता ए. आदी मान्यवरांच्या हस्ते विजेत्या संघांचा खास गौरव करुन या संघांना शुभेच्छा देण्यात आल्या. यावेळी महाविद्यालयाचा प्राध्यापक वर्ग व विद्यार्थी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
