प्रतिनिधी /म्हापसा
म्हापसा पाणी पुरवठा खात्याचे कर्मचारी सुरेश नवसो मांद्रेकर हे 36 वर्षांची प्रदीर्घ सेवा बजावून खात्यातून सेवानिवृत्त झाले. म्हापसा पाणी पुरवठा खात्यात आयोजित समारंभात त्यांचा कनिष्ठ अभियंता प्रज्योत नाईक यांच्याहस्ते भेटवस्तू देऊन गौरव करण्यात आला.
सुरेश मांद्रेकर हे 1986 मध्ये कर्मचारी म्हणून रुजू झाले होते. आपल्या कारकिर्दीत त्यांनी म्हापसा पालिका क्षेत्रात उत्कृष्टरीत्या सेवा बजाविली. यावेळी कनिष्ठ अभियंता प्रज्योत नाईक यांनी त्यांच्या वाटचालीस शुभेच्छा दिल्या. सूत्रसंचालन दिव्या रायकर यांनी केले तर माधव गावडे यांनी आभार मानले.