गतिरोधकाची दुरवस्था : रस्त्यावर खड्डेच खड्डे
प्रतिनिधी /बेळगाव
अनगोळ येथील चौथे रेल्वेगेटजवळ खड्डय़ांचे साम्राज्य पसरले आहे. या ठिकाणी वाहन चालविताना वाहनचालकांना मोठी कसरत करावी लागत आहे. पावसामुळे हे खड्डे आणखीनच मोठे झाले असून, या ठिकाणाहून ये-जा करणे अवघड झाले आहे. तेव्हा तातडीने या रस्त्याची दुरुस्ती करावी, अशी मागणी होत आहे.
रेल्वेमार्गाचे दुपदरीकरण करण्यात आले. त्यामुळे चौथ्या गेटचेही रुंदीकरण करण्यात आले आहे. रस्त्याच्या मधोमध दुभाजक घालण्यात आला आहे आणि त्यानंतर दोन्ही बाजूला गतिरोधक बसविण्यात आले आहेत. हे गतिरोधक अशास्त्रीय पद्धतीने बसविण्यात आल्यामुळे या गतिरोधकावरून वाहने चालविणे अवघड झाले आहे. त्यातच खड्डे देखील आहेत. त्यामुळे या ठिकाणी अपघात घडण्याची शक्मयता आहे. तेव्हा तातडीने रस्त्याची दुरुस्ती करून शास्त्रीय पद्धतीने गतिरोधक करावेत, अशी मागणी वाहनचालकांतून होत आहे. गतिरोधक ओलांडताना चारचाकी तसेच दुचाकी वाहनांना त्रास होत आहे. गतिरोधकावर वाहन चढविताना व उतरविताना कारच्या खालील बाजूला गतिरोधक घासत आहे. त्यामुळे इंजिन आणि वाहनाचे नुकसान होत आहे. त्यामुळे त्याची उंची कमी करण्याची मागणी होत आहे.