माशेल ; भोम पंचायत क्षेत्रात होऊ घातलेल्या सुसज्ज मैदान प्रकल्पाच्या कामाची पाहणी काल सोमवारी सकाळी क्रीडा मंत्री गोविंद गावडे यांनी केली. मंत्री गावडे यांनी मैदानाच्या अपुर्णावस्थेत असलेल्या कामाचा आढावा घेतल्यानंतर कंत्राटदाराला मार्गदर्शन करीत वेळेत काम पुर्ण करण्याचे आदेश दिले. भोम येथील मैदानाच्या रूंदीकरण व सुशोभीकरणाचे काम सुरू आहे. आजादी का अमृत महोत्सव अंतंर्गत हे काम पंचायतीतर्फे सुमारे 50 लाख रूपये खर्चुन हाती घेण्यात आले आहे. या कामाची सुरूवात मागील महिन्यापासून करण्यात आली होती. एप्रिल महिन्यापासून विद्यार्थ्यांना उन्हाळ्याची सुट्टी जाहीर होणार असून तोपर्यंत मैदानाचे काम पुर्ण होणे गरजेचे असल्याने काल अचानक मंत्री गावडे यांनी कामाची पाहणी केली. सरपंच दामोदर नाईक वेळोवेळी विकासकामांसंबंधी पाठपुरावा करीत असल्याचे त्यांनी सांगितले. संघटीतपणे कार्य केल्यास गावचा विकास होत असतो. मैदानाच्या रूंदीकरणबरोबर इथे बसण्याची व्यवस्थेसाठी आसन उपलब्ध करण्यात येणार आहे. भविष्यात मैदानाच्या शेजारी पंचायत घराची वास्तू उभारण्यात येणारा आहे. बाणस्तरी मार्केट प्रकल्पाचे काम पुर्ण झाले असून मुख्यमंत्री डॉ प्रमोद सावंत यांच्याहस्ते उद्घाटन होणार असल्याची माहिती मंत्री गावडे यांनी दिली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
