वृत्तसंस्था/ मुंबई
वस्तुंची डिलिव्हरी करणारी कंपनी डेलिव्हरी आणि स्टेनलेस स्टील पाइप व टय़ुब बनवणारी कंपनी व्हीनस पाइप्स अँड टय़ुब्ज यांचे आयपीओ शुक्रवारी बंद झाले. यात व्हीनसच्या 165 कोटी रुपयांच्या आयपीओला गुंतवणूकदारांनी चांगला प्रतिसाद नोंदवला व हा आयपीओ 16.31 पट सबस्क्राइब झाला. तर दुसरीकडे डेलिव्हरीच्या 5 हजार 235 कोटी रुपयांच्या आयपीओला मात्र फक्त 1.63 पट सबस्क्राइब करण्यात आले होते.
आणखी तीन आयपीओ बाजारात दाखल होणार आहेत. यामध्ये पारादीप फॉस्फेटस्, इथोस व इमुद्रा यांचा समावेश असणार आहे. पारादीपचा आयपीओ 17 मे रोजी खुला होणार आहे. इथॉसचा आयपीओ बुधवार 18 मे रोजी खुला होणार असून इमुद्राचा आयपीओ 20 मे रोजी खुला होईल. पारादीप आयपीओतून 1501 कोटी, इथॉस 472 कोटी तर इमुद्रा 412 कोटी रुपये उभारण्याची शक्यता आहे.
व्हीनस
wव्हीनसच्या आयपीओकरीता प्राइस बँड 310 ते 326 रुपये प्रति समभाग ठेवण्यात आला आहे.
wयाअंतर्गत गुंतवणूकदारांना किमान 14 हजार 996 रुपये गुंतवता येणार आहेत.
wशेअर्सचे अलॉटमेंट 19 मे ला होणार असून 24 मेला लिस्टिंग होऊ शकतो.
डेलिव्हरी
wआयपीओकरीता 462 ते 487 रुपये समभाग प्राइसबँड असणार आहे. कर्मचाऱयांना प्रति समभागाकरीता 25 रुपये सवलत असणार आहे.
wशेअर्सचे अलॉटमेंट 19 मे रोजी आणि लिस्टिंग 24 मे रोजी होण्याची शक्यता.