लेखकांच्या संपामुळे हॉलिवूडच्या अनेक चित्रपटांच्या चित्रिकरणावर प्रभाव पडला आहे. अभिनेत्री जेनिफर लोपेझचा आगामी चित्रपट ‘अनस्टॉपेबल’ देखील याच कारणामुळे रोखण्यात आला आहे. या चित्रपटात झरेल जेरोम हा दिग्गज कलाकार देखील दिसून येणार आहे. या चित्रपटातून एंथनी रॉबल्स यांची कहाणी दर्शविली जाणार आहे. एंथनी यांचा जन्म केवळ एका पायासोबत झाला होता. तरीही त्यांनी कुस्तीमध्ये स्वत:ची राष्ट्रीय ओळख निर्माण केली होती. अनस्टॉपेबल या जेनिफर लोपेझच्या चित्रपटाचे चित्रिकरण लेखकांच्या संपामुळे प्राइम व्हिडिओला थांबवावे लागले आहे. राइटर्स गिल्ड ऑफ अमेरिका या संघटनेच्या नेतृत्वाखालील लेखकांच्या संपामुळे चित्रपटसृष्टीला मोठा फटका बसला आहे. अनस्टॉपेबल हा चित्रपट देखील याला अपवाद ठरलेला नाही. दक्षिण कॅलिफोर्निया युनिव्हर्सिटीत निदर्शने करणाऱ्या लोकांनी हे चित्रिकरण रोखण्यास भाग पाडले आहे. यासंबंधीची माहिती जेनिफरचा पती बेन आफ्लेकने दिली आहे. अनस्टॉपेबल चित्रपटासह मार्व्हल स्टुडिओला स्वत:च्या ‘थंडरबोल्ट्स’ चित्रपटाचे चित्रिकरण रोखावे लागले आहे. या संपाचा केवळ चित्रपट निर्मात्यांवर प्रभाव पडला नसून प्रेक्षकांचीही निराशा होत आहे. अनेक बहुप्रतीक्षित चित्रपटांचे प्रदर्शन यामुळे लांबणीवर पडले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
