नवी दिल्ली : काही दिवसांपूर्वी कार्सच्या किमती वाढवण्याची टाटा मोटर्सने घोषणा केली होती, त्यापाठोपाठ आता लक्झर कार निर्माती कंपनी किया इंडिया यांनीही किमती वाढवण्याची घोषणा केली आहे. किया इंडियाने म्हटले की 1 ऑक्टोबरपासून काही मॉडेल्सच्या किमती वाढवल्या जाणार आहेत. वरिष्ठ अधिकाऱ्यांच्या मते, 1 ऑक्टोबरपासून काही मॉडेल्सच्या नव्या किमती अस्तित्वात येणार आहेत. या किमती 2 टक्के इतक्या वाढणार आहेत. सोनेटच्या किमती मात्र वाढवल्या जाणार नसल्याचे कंपनीने सांगत कच्चा माल आणि उत्पादन खर्च वाढल्यामुळे किमतीत वाढ करण्याचे कारण सांगितले आहे. कंपनी आपल्या सेल्टॉस व कॅरेस या गाड्यांच्या किमतीत 1 ऑक्टोबरपासून 2 टक्के इतकी वाढ करणार आहे. कंपनीने याआधी एप्रिलमध्ये किमती वाढवल्या आहेत. एप्रिलनंतर इतर कंपन्यांनी दरात वाढ केली असली तरी किया इंडियाने मात्र वाढ केलेली नव्हती. कच्च्या मालाच्या किमती वाढत असून दुसरी नवी सेल्टॉसचे सादरीकरण केले, ज्यात गुंतवणूक अधिक करण्यात आल्याचे कंपनीने म्हटले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
