राजवर्धनसिंहराजे कदमबांडे यांची माहिती; पूर्णाकृती पुतळय़ाचे काम पूर्णत्वाकडे, लवकरच अनावरण
कोल्हापूर प्रतिनिधी
धुळे शहरात लोकसहभागातून उभारण्यात येणाऱया राजर्षी छत्रपती शाहू महाराजांच्या पुर्णाकृती पुतळय़ाचे 70 टक्के काम पूर्ण झाले आहे. उर्वरीत काम पूर्ण होताच लवकरच पुतळारूपी स्मारकाचे अनावरण केले जाईल, अशी माहिती शाहू महाराजांचे पणतू धुळय़ाचे माजी आमदार आणि धुळे नंदुरबार जिल्हा बँकेचे विद्यमान अध्यक्ष राजवर्धनसिंहराजे कदमबांडे यांनी दिली.
धुळे येथे राजर्षी छत्रपती शाहू महाराजांच्या जयंतीनिमित्त श्रीमंत राजवर्धनसिंहराजे कदमबांडे व राजर्षी छत्रपती शाहू महाराज स्मारक समिती यांच्या तर्फे मराठा सेवा संघाच्या कार्यालयामध्ये मुख्य कार्यक्रम आयोजित करण्यात आला होता. यावेळी झेड. बी पाटील महाविद्यालयाचे प्रा.डॉ. प्रविणसिंह गिरासे यांचे शाहू चरित्रावर व्याख्यान झाले. माजी केंद्रीय मंत्री तथा खासदार डॉ.सुभाष भामरे, आमदार कुणालबाबा पाटील यांच्या हस्ते पुष्पहार अर्पण करून अभिवादन करण्यात आले. श्रीमंत राजवर्धनसिंहराजे कदमबांडे यांनी राजर्षी छत्रपती शाहू महाराजांच्या सामाजिक कार्याची व एक आदर्श राजाचे जिवन जगताना समाजहितासाठी त्यांनी केलेल्या कार्याची माहिती धुळेकरांना दिली.यावेळी श्रीमंत यशवर्धनराजे कदमबांडे, प्रकाश पाटील ,माजी महापौर मोहनभाऊ नवले, गुलाबराव बाबा पाटील, माजी महापौर प्रदीप नाना कर्पे, सुधाकर दादा बेंद्रे,किरण शिंदे, माजी स्थायी समिती सभापती संजय जाधव, दिलीप आप्पा साळवे, भाजपाचे प्रवक्ते संजय शर्मा, महेश भाऊ मिस्त्राr, राजेंद्र देसले, राजेंद्र इंगळे, शिवाजी दादा पवार, योगीराज मराठे, हरिचंद्र लोंढे , गजेंद्र अंपळकर साहेबराव देसाई, निंबानाना मराठे, संदीप पाटोळे, विरेंद्र मोरे व महिला मोठय़ा संख्येने उपस्थित होत्या.