महाराष्ट्रातील सत्तासंघर्षात धनुष्यबाण हे चिन्ह कुणाचे यासाठी निवडणुक आयोगासमोर सध्या सुनावणी सुरू आहे. शिंदे गटाकडून बाजू मांडण्यासाठी अॅड. महेश जेठमलानी हे युक्तीवाद करत आहेत तर ठाकरे गटाकडून कपिल सिब्बल हे बाजू मांडत आहे. शिंदे गटाने सादर केलेली कागदपत्रे बनावट आणि बोगस असल्याचे कपिल सिब्बल यांनी दावा केला. यावेळी सुप्रिम कोर्टाने आयोगातील युक्तीवाद प्राथमिक कि अंतिम हे स्पष्ट करा अशी मागणी कपिल सिब्बल यांनी आयोगापुढे केली आहे.
तर धनुष्यबाण मिळवण्यासाठी शिंदे गटाकडून जेठमलानी यांच्याकडून जोरदार युक्तीवाद केला. “ठाकरेंनी जुनी घटना न्यायालयासमोर सादर केली आहे. बाळासाहेबांच्या निधनानंतर शिवसेनेच्या घटनेत बदल करून उद्धव ठाकरेंनी पक्षप्रमुख हे पद निर्माण केले. त्यामुळे ती बेकायदेशीर असल्याचे त्यांनी म्हटले आहे. उद्धव ठाकरेंना आपल्या पदावर राहण्याचा अधिकार नाही. तर जुलै 2022 मध्ये राष्ट्रिय नेता म्हणून एकनाथ शिंदे यांची निवड केली गेली होती.” असा युक्तीवाद शिंदे गटाकडून केला गेला.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Add A Comment
