दिवसाचा पहिला आहार म्हणजे सकाळचा नाश्ता.सकाळचा पौष्टिक नाश्ता हा आरोग्यासाठी देखील फायदेशीर ठरतो. आज आपण अशाच एका पौष्टिक नाश्त्याची रेसिपी जाणून घेणार आहोत.ज्वारीच्या पिठापासून खमंग आणि पटकन होणारे वडे कसे बनवायचे हे आज जाणून घेऊयात.
साहित्य
ज्वारीचे पीठ 1 कप
बारीक रवा 1/4 कप
बेसन 2 चमचे
ओवा 1/2 चमचा
धने जिरे पूड 1 चमचा
हिरवी मिरची 3-4
आलं 1/2 इंच
लसूण पाकळ्या 8-10
कोथिंबीर
हिंग
तेल 1 चमचा
तिखट 1 चमचा
हळद 1/2 चमचा
तीळ 1 चमचा
मीठ
कृती
सर्वप्रथम एक कप ज्वारीचं पीठ घ्या.त्यामध्ये पाव कप बारीक रवा,२ चमचे बेसन, अर्धा चमचा ओवा,१ चमचा धने जिरे पूड,चवीनुसार मीठ,एक चमचा तीळ,चिमूटभर हिंग, हे सर्व जिन्नस घालावेत.आणि सर्व पीठ व्यवस्थित मिक्स करून घ्यावं.यांनतर पिठामध्ये १ चमचा लाल तिखट घालावे.आले,लसूण आणि मिरची मिक्सरला बारीक करून पिठामध्ये घालावी.नंतर त्यामध्ये १ चमचा तेल आणि बारीक चिरलेली कोथिंबीर घालावी.यांनतर पिठामध्ये थोडं थोडं पाणी घालून पीठ मळून घ्यावं. पीठ हे थोडं घट्ट मळावे. यांनतर एका प्लास्टिक पिशवी वर पिठाचा गोळा करून तो गोल थापून घ्यावा आणि मध्ये एक छिद्र पाडावं. असे सर्व वडे करून घ्यावेत आणि मध्यम आचेवर सोनेरी रंग येईपर्यंत तळून घ्यावेत. खमंग आणि खुसखुशीत ज्वारीचे वडे दह्यासोबत सर्व्ह करा.
Previous Article5G तंत्रज्ञान पूर्णत: स्वदेशी, भारत इतर देशांनाही पुरवणार
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.