प्रतिनिधी/ नवी दिल्ली
मोटोरोलाने आपला स्वस्त स्मार्टफोन ‘मोटो इ13’ भारतीय बाजारात सादर केला आहे. या फोनची सुरुवातीची किंमत 6,999 रुपये इतकी राहणार असल्याची माहिती कंपनीने यावेळी दिली आहे. या स्मार्टफोनमध्ये 6.5 इंच आकाराचा एलसीडी डिस्प्ले व दीर्घकालावधीपर्यंत चालणारी 5,000 एमएएच क्षमतेची बॅटरीही मिळणार असल्याची माहिती आहे. सदरचा स्मार्टफोन हा विक्रीसाठी 15 फेब्रुवारीपासून उपलब्ध होणार असल्याची माहिती आहे.
दोन मॉडेलमध्ये होणार उपलब्ध
मोटोरोलाचा स्मार्टफोन हा दोन प्रकारात सादर करण्यात येणार आहे. यात 2 जीबी रॅमसह 64 जीबी स्टोरेज व 4 जीबी रॅमसह 64 जीबी स्टोरेजसहचा मिळणार आहे. यासोबतच 4 जीबी रॅमची किंमत 7,999 इतकी रक्कम राहणार आहे.