|Monday, May 27, 2019
You are here: Home » उद्योग » ‘टाटा’ प्रमुखपदी चंद्रशेखरन विराजमान

‘टाटा’ प्रमुखपदी चंद्रशेखरन विराजमान 

टीसीएस प्रमुखपदी राजेश गोपीनाथन : दोघांचेही कर्मचाऱयांना पत्र

वृत्तसंस्था / मुंबई

सात लाख कोटी रुपयांच्या टाटा समुहाच्या अध्यक्षपदी एन. चंद्रशेखरन हे मंगळवारी विराजमान झाले. भविष्यात समुहातील कंपन्यांच्या प्रमुखांबरोबर माईंडसेटने काम करणार आणि समभागधारकांना चांगला परतावा देण्याचा प्रयत्न करण्यात येईल असे त्यांनी पदभार स्वीकारल्यानंतर म्हटले. यापूर्वी घेण्यात आलेल्या संचालकांच्या बैठकीत रतन टाटा यांनी चंद्रशेखरन यांचे स्वागत केले.

टाटा समुहाच्या 150 वर्षांच्या परंपरेची जबाबदारी स्वीकारणे ही आपल्यासाठी अभिमानाची बाब आहे. टाटा परिवाराचा हिस्सा बनल्याने आपल्याला गौरव वाटत आहे. केवळ व्यवसाय म्हणून समाजात काम करण्यापेक्षा समाजावर परिणाम होईल अशी कामगिरी करण्याचा आपला प्रयत्न राहील, असे त्यांनी कर्मचाऱयांना लिहिलेल्या पत्रात म्हटले.

चंद्रशेखरन यांची टाटा समुहाच्या अध्यक्षपदी वर्णी लागल्याने रिक्त झालेल्या पदाची जबाबदारी राजेश गोपीनाथन यांनी स्वीकारली. पदाची जबाबदारी स्वीकारताच त्यांनी आपल्या कर्मचाऱयांना पत्र लिहिले. यामध्ये ग्राहकांच्या आवश्यकतेवर भर देण्याचा प्रयत्न आणि आधुनिक तंत्रज्ञानाच्या साहाय्याने व्यवसाय बदलण्यावर आपला भर राहणार आहे, असे त्यांनी म्हटले.

राजेश गोपीनाथन टीसीएसमध्ये 2001 मध्ये दाखल झाले. आयआयएम अहमदाबादचे माजी विद्यार्थी असणारे गोपीनाथन यापूर्वी टाटा समुहाच्या टीसीएसमध्ये प्रमुख आर्थिक सल्लागार पदावर कार्यरत होते.

Related posts: